Head of Botany

Math o swydd wag - Parhaol/Llawn Amser

Dyddiad Cau: 29 Gorffennaf 2026

Mae Amgueddfa Cymru yn awyddus i benodi Pennaeth Botaneg newydd i arwain tîm curadurol profiadol sy'n cynnal gwaith ymchwil a rhaglenni ymgysylltu â'r cyhoedd arloesol. Mae'r rôl arwain strategol hon yn gyfle i siapio sut mae amgueddfa genedlaethol Cymru yn mynd i'r afael â heriau bioamrywiaeth ac amgylcheddol byd-eang trwy ein casgliadau o'r radd flaenaf ac ymchwil arloesol.

Byddwch yn arwain tîm o guraduron ac ymchwilwyr, yn ennill nawdd gan gyrff fel UKRI a'r Gymdeithas Frenhinol ac yn sicrhau bod ein casgliadau Botaneg yn parhau i fod yn berthnasol ac yn hygyrch. Fel Arweinydd Project ar brojectau ymchwil effaith-uchel, byddwch yn hyrwyddo cydweithredu rhyngddisgyblaethol ar draws y gwyddorau, y celfyddydau a'r dyniaethau, gan cefnogi ein gweledigaeth Strategaeth 2030 yn uniongyrchol.

Mae'r cyfrifoldebau allweddol yn cynnwys datblygu'r casgliadau, rheoli cyllidebau ymchwil, cyhoeddi allbynnau academaidd a meithrin partneriaethau â sefydliadau addysg uwch. Byddwch yn dirprwyo ar ran y Pennaeth Adran yn ôl yr angen, yn mentora staff ac yn hyrwyddo arferion cynhwysol sy'n adlewyrchu ein cynulleidfaoedd amrywiol.

Rydym yn awyddus i benodi Botanegydd cymwys â gradd Doethuriaeth (neu gyfwerth) sydd â phrofiad o reoli casgliadau amgueddfeydd, arwain tîm ac ymgeisio'n llwyddiannus am grantiau.

Ymunwch â ni i sicrhau bod gwybodaeth wyddonol yn sail i ymgysylltu â chynulleidfaoedd am heriau amgylcheddol, a hyrwyddo safle Cymru fel arweinydd ym maes ymchwil a chadwraeth bioamrywiaeth.